अमेरिकी राष्ट्रपति ले जर्मनीमा तैनाथ अमेरिकी सैनिकहरू फिर्ता गर्न सकिने चेतावनी दिएका छन्। जर्मन चान्सलर फ्रेडरिख मर्जले इरान युद्धबारे अमेरिकी नीतिको आलोचना गरेपछि दुवै नेताबीच विवाद चर्किएको हो। ट्रम्पले अप्रिल ३०, २०२६ मा सामाजिक सञ्जालमार्फत जर्मनीमा रहेका अमेरिकी सैनिक संख्या घटाउने सम्भावनाबारे समीक्षा भइरहेको बताएका छन्।
ट्रम्पले आफ्नो पहिलो कार्यकालको अन्त्यतिर सन् २०२० मा जर्मनीमा तैनाथ करिब ३६ हजारमध्ये १२ हजार सैनिक फिर्ता गर्ने योजना बनाएका थिए। पछि पूर्व राष्ट्रपति ले युक्रेन द्वन्द्वको कारण देखाउँदै जर्मनीमा थप सैनिक पठाएका थिए। हाल जर्मनीभर विभिन्न सैन्य अड्डामा ३६ हजारभन्दा बढी सक्रिय सैनिक र करिब १,५०० रिजर्भ फौज तैनाथ रहेको बताइएको छ।
इरानसँगको युद्धमा अमेरिकी–इजरायली पक्षलाई समर्थन नगरेको भन्दै ट्रम्पले युरोपेली सहयोगीहरूको आलोचना गरेका छन्। साथै, इरानले फेब्रुअरीमा ‘शत्रुतापूर्ण’ जहाजहरूका लागि बन्द गरेको पुनः खोल्न सहयोग नगरेको आरोप पनि उनले लगाएका छन्। ट्रम्पले यसै सन्दर्भमा लाई “कागजी बाघ” भन्दै आलोचना दोहोर्याएका छन्।
यसअघि जर्मनीको एक विद्यालयमा बोल्दै मर्जले अमेरिका इरानबाट “अपमानित” भइरहेको र ट्रम्प प्रशासनसँग स्पष्ट रणनीति नभएको बताएका थिए। उनले युद्धका कारण ऊर्जा मूल्य बढ्दा जर्मनीलाई गम्भीर असर परेको पनि बताएका थिए।
यस टिप्पणीपछि ट्रम्पले सामाजिक सञ्जालमा मर्जको कडा आलोचना गर्दै “उनी के बोलिरहेका छन् भन्ने थाहा छैन” भनेका थिए। साथै जर्मनीको आर्थिक अवस्था कमजोर हुनुमा पनि उनले मर्जलाई दोष दिएका थिए।
तर मर्जले विवादलाई कम आँक्दै ट्रम्पसँग आफ्नो व्यक्तिगत सम्बन्ध “अझै राम्रो” रहेको बताएका छन्। उनले इरान युद्ध सुरु भएदेखि नै आफूलाई शंका रहेको भन्दै आफ्नो धारणा स्पष्ट पारेका छन्।
यसैबीच, इरान–अमेरिका वार्ताको अनिश्चितताका कारण अन्तर्राष्ट्रिय बजारमा तेलको मूल्य बुधबार १२० डलर प्रति ब्यारेल नाघेको छ, जुन सन् २०२२ पछिकै उच्च स्तर हो।