अमेरिकी राष्ट्रपति डोनाल्ड ट्रम्प ले इरानसँग हुने शान्ति वार्ताका लागि पाकिस्तान जाने अमेरिकी प्रतिनिधिमण्डलको योजना अचानक रद्द गरेका छन्।
द गार्जियनका अनुसार, अमेरिकी विशेष दूत स्टीभ विटकोफ र राष्ट्रपति जारेड कुशनरलाई इस्लामाबाद पठाउने तयारी भइरहेका बेला ट्रम्पले उनीहरूलाई नजान निर्देशन दिएका हुन्।
यो प्रतिनिधिमण्डलले इरानसँग युद्धविराम र वार्ता पुनः सुरु गर्ने प्रयास गर्ने योजना थियो। तर, पछिल्लो समयमा कूटनीतिक प्रगति नदेखिएको भन्दै ट्रम्पले भ्रमण आवश्यक नरहेको बताएका छन्।
रॉयटर्सका अनुसार, ट्रम्पले इरानी नेतृत्वभित्र स्पष्टता नभएको र वार्ताबाट ठोस नतिजा नआएको भन्दै यस्तो निर्णय लिएको बताएका छन्।
ब्लूमबर्गका अनुसार, ट्रम्पले लामो दूरीको यात्रा गर्नु समयको बर्बादी भएको भन्दै फोनमार्फत पनि वार्ता सम्भव हुने बताएका छन्।
यस निर्णयअघि इरानका विदेशमन्त्री अब्बास अराघची पाकिस्तान पुगेर मध्यस्थता प्रयासमा सहभागी भएका थिए, तर कुनै ठोस सहमति बिना नै फर्किएको बताइएको छ।
विश्लेषकहरूका अनुसार, यो निर्णयले अमेरिका–इरानबीच चलिरहेको कूटनीतिक प्रयासमा झट्का पुर्याउन सक्छ र भविष्यका वार्ताहरू अझ अनिश्चित बन्ने संकेत देखिएको छ।